बालसिर्जना संवाददाता ८ असोज २०७७, बिहीवार

 

अविरल वर्षासँगैको पहिरोले स्याङजाको वालिङ १४ स्थित माया नेपालीको घर पुरिदाँ एकै परिवार ५ जनाको निधन भएको छ। पाँचजना अझै वेपत्ता छन्। उनीहरुको खोजीकार्य भइरहेको छ। १ जना बालिकाको भने उद्दार गरी वालिङस्थित स्वास्थ्य चौकीमा सामान्य उपचारपछि पोखरा ल्याउने तयारी गरिएको स्थानीयबासीले जनाएका छन्।

घरभन्दा माथिबाट झरेको पहिरोले घर पुरिएको हो। पहिलो निकै ठूलो भएकोले उद्दार गर्न कठिनाई भएको स्थानीय स्याङजा वालिङ नगरपालिका–१४ का वडासदस्य गमप्रसाद लुइँेलले जानकारी दिए। उनका अनुसार ६० वर्षिय सानु नेपाली, ४८ वर्षिय माया नेपाली, ३४ वर्षिय दिपक नेपाली, २८ वर्षिय कुलदिप नेपाली तथा रुपा नेपालीको शव निकालिएको छ। अझै पाँचजना पहिरोमै बेपत्ता रहेको उनको भनाइ थियो। १० वर्षिय बालिका मनिषा नेपालीको जिवित्तै उद्दार गरिएको छ। रुपा नेपाली पाहुना बन्न घरमा आएको स्थानीयबासीले सुनाए।

पहिरो विहान साढे पाँच बजे झरेको थियो। पहिरो झर्ने वित्तिकै वडा सदस्यसहित गाउँले उद्दारको लागि जुटेका थिए। ‘पहिरो झरेपछि उद्दारमा आयौं। भित्रबाट गुहार–गुहार भन्दै आवाज पनि आएको थियो’उनले भने–‘तर पहिरो ठूलो भएकोले उद्दार गर्न सकिएन्। परिवार नै पहिरोमा पुरियो।’

घरमाथि बाटो छ। बाटो भन्दा माथिबाट पहिरो झरेको हो। बेला बेलामा पहिरो जादाँ बाटोलाई डोजर लगाई सफाई गर्दै आइएको छ। ‘साना तिना पहिरो आउँदा बाटो अवरुद्ध हुदैं आएको थियो। डोजरले बाटो खुलाउन सफा गर्दै आउथ्यौं।’ वडासदस्य लुईटेलले बताए। पहिरो सडक भन्दामाथिबाट झर्दा आकार ठूलो लिएको थियो। सदस्य लुईटेलका अनुसार परिवार विहान उठेपनि निस्कन नपाउँदै पहिरोले लपेटेको थियो। ‘तुरुन्तै उद्दार गर्न नसक्दा बढी क्षति हुन पुग्यो।’ उनले थक थक गरे।

आफू उदारमाआउँदै गर्दा प्रहरी प्रशासनलाई खबर गरिएको सुनाए। झरी परेकै कारण उद्दार सहज भएको छैन्। प्रहरीको सहयोगमा वेपत्तामध्ये ५ जनाको शव निकालि मुचुल्का उठाइएको छ। ‘बाहिर घर बाहिर सुत भनेर समेत भनेका थियौं’ उनले थपे–‘सबै भित्रै सुतेका रहेछन्। उठिसकेको भए पनि पहिरो जादाँ घरभित्रबाट निस्कनै भ्याएनन्।’ परिवार मध्ये माइलो छोरा भने भारतको मुम्बईमा छ। परिवारको जेठो, माइलो र कान्छो छोरासहित बुहारी तथा बालबालिका पहिरोमा पुरिएको वडा सदस्य लुईटेलले बताए।

जमिन चर्किएको थियो। पानी परेपछि पहिरो जाने सम्भावन थियो। त्यो सम्भावना कै कारण गाँउलेले अन्तै बस्न अनुरोध गर्दै आए। तर गाँउलेको कुरालाई खासै ख्याल गरेनन्। ख्याल नगर्दा बिहीबार विहान माया नेपालीको परिवार नै पहिरोमा पुरियो। नौ जनाको मृत्यु भयो। एकजनाको सकुशल घाईते अवस्थामा उद्दार गरियो।

माया नेपालीको परिवारले दुईसाता अघिसम्म रात अन्तै बिताउँदै आएका थिए। पानी रोकियो। एकसाता पानी परेन्। उनीहरु आफ्नै वालिङ नगरपालिका–१४ तमादीस्थित घरमै बसे। चारदिनयता झरी परेको छ। झरी परिरहँदा नेपाली परिवारलाई अन्तै बस्न धेरैपटक गाँउले अनुरोध गरे। ‘जमिन चर्किएको थियो। एक हप्ता पानी बिदो भएको थियो। घरमै आएर परिवार बसे। पानी पर्न थालेपछि पहिरोको जोखिम छ भन्दै सूचित गरेर नबस्न अनुरोध गर्यौं’ स्थानीय छिमेकी टिकाराम लुईटेलले भने–‘त्यँही बस्न हुदैन्थ्यो। अन्य घर खाली थिए। स्कुल पनि खाली नै थियो। पानी नियमित परिरह्यो। ख्याल गरेनन्। दुखद घटना घट्यो।’ पानी परेकै कारण धेरै ठाँउमा पहिरोको जोखिम बढेको छ।

बिहीबार विहान साढे ५ बजेको समयमा पहिरो झर्यो। पहिरो घरसम्म आईपुग्दा ठूलो आकार लियो। घरभन्दा झण्डै डेढसय मिटर माथिबाट झर्को थियो। घरभन्दा माथि सडक थियो। सडक भन्दापनि माथिबाट पहिरो झरेपछि परिवार नै पहिरोमा पुरिएको वालिङनगरपालिका–१४ तमादीका वडासदस्य गमप्रसाद लुईटेलले बताए। उनका अनुसार घरमा नबस्न आग्रह मानेनन्। ‘घरमा नबस्न अनुरोध गरेको सुनेनन्। घरभित्र नसुत्न समेत भनिरहेका थियौै’ उनले भने–‘विहान उज्यालो हुने बेलामा उठिसकेपनि बाहिर निस्कन नभ्याउँदा पहिरोले लपेट्यो।’

पहिरोमा परी मृत्यु हुनेमा ६० वर्षीय सेनी नेपाली, ४८ वर्षीय माया नेपाली, ३४ वर्षीय  दिपक नेपाली, २८ वर्षीय कुलदिप नेपाली, १५ वर्षीय विक्रम (शिशिर) नेपाली, ९ वर्षीय विविश नेपाली, २१ वर्षीया विनिता (बुहारी), पाहुना बन्न आएकी बहिनी ३० वर्षीया उमा नेपाली र छ महिनाकी बालक समीर नेपालीको मृत्यु भएको थियो। १८ वर्षिय मनिषा नेपालीको भने उद्दार गरिएको छ। गण्डकी प्रदेश प्रहरी कार्यालय पोखराका अनुसार मनिषाको थप उपचारको लागि पोखरा ल्याइएको छ।

पहिरोस्थल गायडाँडा र लुईटेलडाडाँको बीचमा पर्छ। घटना भएको झण्डै पाँचघण्टाको पुरिएको अवस्था शव निकालिएको थियो। पुरिएको शव निकाल्न स्थानीयबासी, जनप्रतिनिधि, नेपाली सेना, नेपाल प्रहरी, शसस्त्र प्रहरीको टोली खटिएको थियो। पहिरो झर्ने वित्तिकै वडा सदस्यसहित गाउँले उद्दारको लागि जुटेका थिए। ‘पहिरोले घर पुरिएपछि उद्दारमा आयौं। भित्रबाट गुहार–गुहार भन्दै आवाज पनि आएको थियो’ उनले भने–‘तर पहिरो ठूलो भएकोले उद्दार गर्न सकिएन्। परिवार नै पहिरोमा पुरियो।’

सानोतिनो पहिरो भने झरिरहेको थियो। बाटो भन्दा माथिबाट झर्ने पहिरो बाटोमै रोकिन्थ्यो। डोजर लगाई सफा गर्दै बाटो खुलाईन्थ्यो। तर चारदिनयता पानी परेकै कारण जमिन गल्किएपछि  पहिरो झरेको वडा सदस्य लुईटेल सुनाउँछन्। ‘एकसाता पानी परेन्। जमिन सुख्खा भयो। फेरी पानी पर्यो। चर्किएको अवस्थामा पानी पर्दा जमिन लच्किएर झर्यौं’ स्थानीयबासीको भनाई थियो। पहिरो आउनसक्ने बारेमा पूर्व जानकारी गराईरहँदा पनि ख्याल नगर्दा दुखद घटना निम्तिएपछि तमादी सन्नाटा छाएको छ।

Top